خير شاهه جو پڙ: حيدرآباد ۾ واقع خير شاهه جو پڙ (امام بارگاهه) شهاب سئنيما وٽ واڍن جي پڙ ۾ داخل ٿيندي ئي ساڄي طرف ٿورو اڳڀرو موجود آهي، جتي محرم جي ڏهاڙن ۾ عزاداري ۽ مجلسون منعقد ٿينديون آهن. هن پڙ جو باني خير شاهه هو ۽ اهو پڙ پاڪستان ٺهڻ کان پوءِ آباد ٿيو. خير شاهه جي پڙ جي ڀرسان واڍن جو پڙ، جنڊي واڍن جو پڙ، نهال شاهه جو پڙ، ولايت علي شاهه جو پڙ، خدا ڏني شاهه جو پڙ ۽ مائي ڇٽيءَ جو پڙ به موجود آهن، جيڪي پڻ عزاداريءَ جا مرڪز آهن.